Che notte! Che notte!
Che luna! Che mare!
Stasera me pare
scetato 'e sunnà?...
Cu st'aria serena,
ca scippa d''o core
suspire d'ammore,
durmì nun se pò!

Chiara è 'a luna
doce è 'o viento,
calmo è 'o mare,
oj Carulì!...
Sta nuttata 'e sentimento
nun è fatta pè durmì

Luntano, luntano,
p''o mare turchino
vulesse a te nzino
nu suonno sunnà!...
Nu suonno e dulcezze,
nu suonno ncantato;
cu ttico abbracciato
sunnanno, murì!
Chiara è 'a luna
ecc. ecc.

Chiù bella, chiù doce
'sta notte sarria
si tu vita mia,
venisse a vucà!...
Na storia d'ammore
te conto, si viene:
si caro me tiene,
rispunne ca sì!...
Chiara è 'a luna
ecc. ecc