Mme sò scetato a ll'alba stammatina
E aggiu menato 'a rezza 'mmiez'ô mare.
A 'na fenesta steva Carulina
E mme guardava cu chill'uocchie chiare.
'Ncantato pe' guardà chella sirena
Aggiu perduto a mare 'a rezza chiena.

Bella ca bella sì!
Chi te pò maje scurdà?
Si 'st'uocchie doce mme fanno murì,
Sò pure 'a luce ca mme fa campà.

'A cchiù 'e 'nu mese tengo, 'int'a 'stu core,
'Nchiuvate ll'uocchie suoje turchine e doce.
E i' ca nun aggio maje saputo 'ammore
Mo stò perdenno 'a pace, 'o suonno e 'a voce
E mme ne fa jettà llacreme amare,
Pe' quanta stelle 'ncielo e 'a rena a mare.

Bella ca bella sì!
Chi te pò maje scurdà?
Si 'st'uocchie doce mme fanno murì,
Sò pure 'a luce ca mme fa campà.

Mm'ha ditto mamma: "Abbada, statte attiento
E nun te ce 'ncanà, ch'è senza core!
Chell'è 'na vela, avota comm' 'o viento.
Nce sta chiagnenno cchiù 'e 'nu piscatore!"
Ma senza ll'uocchie belle 'e Carulina
I' che nce campo a fà pe' 'sta marina?

Bella ca bella sì!
Chi te pò maje scurdà?
Si 'st'uocchie doce mme fanno murì,
Sò pure 'a luce ca mme fa campà.

Mi sono svegliato all'alba stamattina
E ho gettato la rete in mezzo al mare.
Ad una finestra stava Carolina
E mi guardava con gli occhi chiari.
Incantato per guardare quella sirena
Ho perso in mare la rete piena.

Bella che bella sei!
Chi ti può mai dimenticare?
Se questi occhi dolci mi fanno morire,
Sono anche la luce che mi fa vivere.

Da più di un mese tengo, nel mio cuore,
Inchiodati gli occhi suoi turchini e dolci.
Ed io che non ho mai conosciuto l'amore
Ora sto perdendo la pace, il sonno e la voce
E mi fa gettare tante lacrime amare,
Quante sono stelle in cielo e sabbia nel mare.

Bella che bella sei!
Chi ti può mai dimenticare?
Se questi occhi dolci mi fanno morire,
Sono anche la luce che mi fa vivere.

Mi ha detto mamma: "Bada, sta' attento
E non ti arrabbiare, che è senza cuore!
Quella è una vela, gira come il vento.
Per lei sta piangendo più di un pescatore!"
Ma senza gli occhi belli di Carolina,
Io che ci vivo a fare per questa riva?

Bella che bella sei!
Chi ti può mai dimenticare?
Se questi occhi dolci mi fanno morire,
Sono anche la luce che mi fa vivere.